Anak ng Baklita Naman!?!

sabi nila ang bakla daw enjoy sa dilim. heto, dalawang vahklush buhay na buhay sa dilim.

alas dos ng madaling araw. kinakalas ko tapos pinagkakabit-kabit uli yung computer na parang lego dahil 48 years na wichikels makapag-net si atashi. sina frida at roxy asa kwarto. inassume ko na lang na patulog na sila.

roxy: bakla ...

frida: o?

roxy: kung wala ka dito ngayon, asan ka kaya?

frida: ayan ka na naman (buntung hininga. inimajin kong may usok na kasama).

roxy: hindi nga bakla, asan ka kaya?

frida: eh di nasa ibang lugar, kung wala ako dito!?!

roxy: gagah! ibig ko sibihin kung hindi ka nagpaparlor, aniz kaya ginagawa mo ngayon?

frida: natutulog! malamang. anong oras na?

roxy: hindi yon!?! ano kayang trabaho mo? yung ganon.

frida: di ko alaaaam. bukas mo na lang ako tanungin, nena.

roxy: bukas makakalimutan ko na e.

frida: eh di wagi!

roxy: bek-bek, wichelles kita talaga tatantanan hangga't di mo ...

frida: (halatang napilitan) malamang asa probinsiya! naggugupit. masaya ka na?

roxy: parang barbero?

frida: siguro. yun lang naman alam kong gawin e. jumupit ng herlalet.

roxy: ang cheap! ako gusto ko maging teacheraka sa public sckul.

frida: KAPE?! ano naman ituturo mo, aber? mag cleaning ng kuko?

roxy: para kang si nanay. hanashi pa niya non, sa itsura kong to daw walang maniniwala sa kin. bet ko magturo ng sibika.

frida: eto naman, concerned lang nanay mo sa future ng mga bagetz.

roxy: weh gustung-gusto ko yon e. maging teacher. yung may ruler tapos may salamin. tapos nagsusulat ka sa blackboard.

frida: kaya pala puro ka an-an (sabay tawa. in fuhrnezz napa-halakhak din ako)

roxy: leche, si kuya nakikinig!?!

wanda: hahaha manipis lang kaya yung dingding.

SAYLENZ

roxy: eh kung hindi ka bakla ngayon, ano ka kaya?

frida: to be continued pala itich ... eh di lalaki.

roxy: kakangkang ka ng babae, ganon?

frida: hindi noh?! matulog ka na nga, nena.

roxy: eh sabi mo lalaki ka, eh di u-uringga ka nga ng bilat?

frida: hindi! magpa-pare ako.

roxy: hahada ka lang ng seminarista eh? ang pokpok mo magdalena? (saylenz lang si frida) eh di ba nagboboksing-boksing ka dati, sabi mo? baka manny pacquiao siguro drama mo ngayon kung di ka becky ...

(kinumpleto ko na lang. kasi nung mabanggit ni roxy yung boksing-boksing e parang nagkagulo sa kwarto ng duwachi. parang naghaharutan kasi naghahagikhikan na may halong murahan at suplex)

frida: kuya, hindi totoo yon! hindi ako nagboksing! putachina ka, nena.

roxy: eh di ba umi-inter baranggay ka pa nga dati, chikka mo?

(nagka-rambol uli)

wanda: hahahaha totoo, bakla?

frida: pas is pas, kuya. pinilit lang ako ng tatay ko hahahaha

(pinagtawanan na lang namin yung flashback niya. kaya pala ganon braso ni bakla. parang hinulugang taktak, batu-bato)

SAYLENZ

roxy: eh di, bakla, kung lalaki ka eh di mag-aasawa ka?

frida: malamang.

roxy: tapos magkaka-anak ka?

frida: siguro.

roxy: eh di kakangkang ka nga?

frida: hindi nga e! parang virgin mary lang siguro, ganon ... ahahaha

roxy: eh may anak ka na, di ba?

frida: hindi ko nga anak si me-ann. pamangkin ko yon. pamangkin!

roxy: whooo! andami mo kayang pinadalang regalo tsaka pera don nung pasko. daig pa jowa e. siguro may sinusustentuhan kang probinsiyanoh, noh? NOH?

frida: aanhin ko naman yung 'syano, samantalang andami diyan sa may sakayan.

roxy: tignan mo o. anak mo talaga tong baklitang itiz, sinasabi ko sayo. kingky buhok, mana sayo. ikaw tsaka siya, mula sa i-isang hulma, hulma ni kirara ... ECHOZ!

frida: hoy! natural tong akin. yung kay me-ann nasunog nung kinulot ko ahahaha

roxy: so gusto mo magka-fez kayo, ganon?!? kaya may kulutang naganap?

frida: malambing kaya yang batang yan.

roxy: eh tinanong mo ba siya kung feel niya maging magka-fez kayo?

frida: u-oo yon, siyempre. binibining mindoro kaya ang lola mo. kabog!

roxy: tumpak! mangyan beauty ... ahahaha

SAYLENZ

roxy: ikaw ba, gusto mo magkaanak? ako kasi gusto ko. para may mag-aalaga sakin pag tanders na akiz.

frida: bakit? yun ba trabaho ng anak?

SAYLENZ

roxy: kung magkaka-junakiz ka, ilang junakiz gusto mo?

frida: ANAK NG PUKELYA NAMAN!?!

roxy: ako gusto ko lima.

frida: 'ba yan!?! parang biik?

roxy: CHE! gusto ko tatlong babae tsaka dalawang lalaki. lahat sila mana sa tatay nila.

frida: talaga namang ikaw yung babae?

roxy: siyempre. lulubus-lubusin ko na to. tapos yung tatay nila sa munisipyo magta-trabaho. ako, magtuturo ng sibika. tsaka pagbuburda. tsaka paggawa ng palitaw at okoy. tapos sabay-sabay kami papasok sa umaga pagkatapos lumafang ng taho tsaka kutsinta. sarap!

SAYLENZ

roxy: ikaw, bakla, wa kang dramatic moment na ganung level?

SAYLENZ

SAYLENZ

roxy: hoy, frida. tulog ka na?

SAYLENZ

roxy: bakla, hindi ka pa tulog. dama ko.

frida: nagdadasal ako.

roxy: sabi na. alam ko pag tulog ka tumutunog yung ipin mo, parang ngumunguya ng papel de liha.

frida: hoy hindi kaya.

roxy: oo kaya. di ba, kuya?

wanda: slightly!

roxy: 'ta mo. dali, sagutin mo na yung tanong. ilang anak ba bet mo? tsaka anong name-sung ng mapapangasawa mo? ako miguel. parang miguel rodriguez. o kaya jhay, jhay panalo!?! winner!?!

frida: nena, tumahimik ka na. iklipany-mae na. jontok ever na akiz.

roxy: sasagutin mo lang naman yung tanong e

frida: di ko nga feel e. sayang ang laway. hindi din naman mangyayari yang mga yan e.

roxy: eh hindi na nga mangyayari, hindi din pwedeng pag-usapan?

SAYLENZ

SAYLENZ

frida: noon, bakla, may mga manika akiz sa mindoro. yung tigsa-sampung piso sa palengke. yung pumipikit pag hinihiga. ganon. tatlo. si sheryll cruz, si tina paner tsaka si manelyn reynes.

roxy: panalo, triplets!

frida: truliliiiiii!?! todo alaga talaga, 'ning. todo suklay pati cologne-cologne. tapos sinasabi ko paglaki nila gugupitan ko sila tsaka aayusan tsaka imemake-over ng todo. para magka-jowa sila ng gwapo tsaka mayaman tapos dadalhin sila sa italy.

roxy: si tina paner nasa spain ba o italy?

frida: spain ata. pero panalo, nena. wa nga lang akiz jusawa. frida bayengga, byuda de mercedes. wagi! pero super shogo talaga sa pinakadulu-duluhan ng aparador yung mga anak-anakan ko, 'ning. pag nasa-sight ni tatay, sinusunog niya talaga sila mane. tapos jombag-ever to da max akiz. aray ...

roxy: talaga? ako, yung mga lalaki, asawa ko magpapangalan. pero yung mga juloginding ko e si j-lo, yung panganay, tapos si beyonce tsaka si britney, yung bunso.

frida: di ka kaya patayin ng mga anak mo, nena?

roxy: di noh? born divah nga sila. tinadhana.

SAYLENZ

roxy: (parang biglang may naisip si becky) derpor, habang nagboboksing-boksing ka, ganon, anak mo na yung triplets? hahahaha ang chakka hahahaha