Thursday, August 30, 2007

Last Minit Hirit

chenelyn boom-boom! chenelyn boom-boom!

mga prenship, kalandian, ka-chuvahan ... lend me your lip gloss.

may i invite ang lola niyo sa book launch keme book signing cheverlou ng pink na libro ni kuya together forever wit da multo stories tsaka sudoku ng publishing chorbany na psicom.


sa mga keri at bet, go na lang tayesa sa world trade center mamayang 6pm to 8pm para sa manila international bookfair. sosyal davah!?!? pero wag ma-intimadate mga, ateh. para lang itech isang shala-shalahang nagmamatalinong tyangge ng mga joklatis ahihihihi keme lang.

kung may gogora man at naisipan niyong magtanong sa kwestyon en answer portion, pleasa lang, wag sanang pahirapan ahihihihi ... tsaka kung pwede sa salitang bakla hehehe ..

tarush!!!

kitakits na lang mga bektas. at panuorin kung pano magpa-mhin si kuya. kyems.

sensha din pala kung di palagian ang updates. dahil ang book two ng pink na libro, sinusulat na. CHAROT!

Wednesday, August 29, 2007

Ang Kati mo, Alpha

apter 48 years na wa chikka at wa pagpaparamdam, may i phone in ang lolo alpha mo.

kuririiiiiiiiiiiiing!!!

shempre, gaya ng ibang chikkahan, nag-umpisa yung samin sa kamustahang punung puno naman ng plastikan. kumbaga pormality lang. parang pag lumalapang ka tapos may ibang tao, sasabihin mo, "uy! kain tayo!" pero wa ka naman talaga balak mag-share. pormality lang.

wanda: OI! kamusta ka na? (pero ang truligenik na linya ko diyan e, "himala, nabuhay ka ..." pero kasi grasyosa ako ...)

shempers, knowings na ni watashi ang salmo responsario ng lulurki.

alpha: eto, ok lang. ikaw, kamusta?

kasi nga yun talaga yung sagot sa tanong na "kamusta ka?" yung "eto, ok lang. ikaw, kamusta?" pag sinagot mo rin siya ng "eto, ok lang. ikaw, kamusta?" at sinagot ka niya uli ng ganon, may kutob na kong mga adik kayo.

eh wirishima ko bet sumagot ng "ok lang din." para maiba ...

wanda: well ... mababa kita ng parlor. gawa siguro nung bagyo. puro bagyo kasi. andami pang nawalan ng tirahan. gawa nung bagyo. si itay, mukhang mawawalan pa ng trabaho sa tate. gusto ko mang sisihihin yung bagyo e mashado na daw talagang matanda si itay para maging empleyado. tapos may sakit pa ko. trangkaso ata to e. e wa kong pambili ng bioflu o nung dulcolax o kahit centrum, para at least ma-feel ko man lang maging complete ... ahihihihi

sagot sakin ni alpha boy ...

alpha: ewan ko sayo, taenang to.

ang totful naman. siksik, liglig, umaapaw sa simpatiya, davah??? sabay ...

alpha: OY! may kukwento ako sayo ...

wanda: OY! ano yon?

alpha: OY! makinig ka!

wanda: OY! sige ba ...

alpha: hulaan mo kung ilang beses ako linabasan kagabi ...

wanda: bente kwatro.

alpha: pucha! parang hindi ka na nag-isip ah.

wanda: uu. isa kada oras. kasi yung nota mo, parang balita, hindi natutulog hahahaha

alpha: shempre, may pahinga yon. kumpleto naman tulog ko. 12 hours ahehehehe ...

wanda: 12 hours? ano ka? sanggol?

alpha: gusto ko pa kayang tumangkad ...

wanda: so doseng jerjer to, ganon? ay! onse na lang, para kunwari may lunch break.

alpha: adik ka, tatlo lang naman.

wanda: tatlo sa isang gabi? (panalo sa high-pitch yung "gabi," ka-level ng sipol ni nina)

alpha: oo nga. tatlo nga. gusto mo ulit-ulitin ko? tanga ...

wanda: taenang to. ako, buwan na bilangan ko ng el nino. azz in katigangan to da highest nagbibitak-bitak level. samantalang ikaw, nakakatatlo sa isang gabi? ano to, kuya germs, walang hugutan, walang tulugan?

alpha: oy. in fairness, hindi naman ako nag-enjoy e.

wanda: sa lagay na yon? sa tatlo, alpha, tiba-tiba na kaya ko don.

alpha: eh kasi yung unang naka-jerjer ko ...

wanda: HUWAAAAT!!! (napa-standing ovation ang lola mo. oi! hindi ako tinigasan ha. azz in akiz talaga yung napatayo.) so hindi lang iisa itu?

alpha: naiinggit ka ba o nagseselos?

wanda: naiirita ako dahil walang hustisya! hindi na makatarungan to talaga. ang halay mo, alpha. ang halay-halay mo. nangangati yung talbos ng gabi sa kalandian mo.

alpha: MAKINIG KA! ganito yon. kasi yung una, na-meet ko lang. bata tsaka maliit sakin ng sobra. parang desi sais nga lang yon e. pero hindi desi sais. parang lang. pero working na. tapos sabi niya punta daw kami sa pad niya. siyempre alam ko na yon.

wanda: eh ano pala yon?

alpha: jerjer time na yon. tanga ka?

wanda: ambilis naman kasi. walang hi tsaka hello. jerjer agad.

alpha: anong magagawa ko? sabik sakin eh.

wanda: ang kapal ng mukha ..

alpha: eh nung on going na yung jerjeran, humalinghing bigla ..

wanda: wow! ano daw sabi? ano daw sabi? (hindi naman mazhadong excited ang bektas ahihihihihi ...)

alpha: sabi niya (tapos pinaliit ni alpha yung boses niya). "alpha, wag. masakit. please, tama na. masakit yan! ansakit!"

wanda: potah! best dramatic actor in a porno role yung ka-jerjer mo.

alpha: hahahaha eh di ako naman itinigil ko. baka sa ospital madiretso yon e.

wanda: alpha, kalma ka lang. wag mashadong mag-feeling daks ...

alpha: eto ka pa. sabi niya sakin, "hey, bat mo tinigil?" sabi ko naman, "eh sabi mo masakit." sagot ba naman sakin, "ano ka ba?! expression ko lang yon. tuloy mo lang ..." gago! kaka-TO ampotah! bwahahahaha ...

wanda: nyahahahahaha adik!

alpha: sabi na matatawa ka e ... so tinapos ko na lang, para matapos lang. alam mo yon. tapos umalis na ko. as in madalian. tapos nag-text ako uli sa mga fubu ko, kasi parang hindi ako natuwa. kelangan ko ng isa pa. eh ang kaso lahat naman hindi available bigla.

wanda: bat ako, wala kong natanggap na text?

alpha: ulul! puro ka ganyan. puro ka naman salita kasi. eh may sumagot naman sa text ko. dati pa nagte-text sakin yon. di ko lang siya maalala talaga. eh di mi-neet ko. desperado na ko e. nung magkita kami, naalala ko na kung bakit hindi ko siya maalala.

wanda: hmmmm ... panget noh??

alpha: wala ako biglang maisip na positive na adjectives. bukod sa maitim siya. maitim talaga, wanda.

wanda: ansama mo! black is beautiful kaya.

alpha: oo, sa kabayo tsaka sa buhok, black is beautiful. pero yon, pwera biro. pinapatay ko yung ilaw, para hindi ko na lang siya makita, aba, hindi ko na talaga siya makita. ang inisip ko na lang baka magaling magbalanse ang universe. baka yung kakulangan sa packaging e kayang bawiin sa skills. eh hindi rin pala. ansakit. tumatama sa ipin.

wanda: ay! bagsak sa oral exam ito! nyahahaha! buti hindi mo pinag-retake hehehe

alpha: di na uy ...

wanda: kelangan i-retraining ito. nakakahiya ahihihihi ...

alpha: pagsabihan mo nga yon. nung asa kotse na ko, tinignan ko talaga si manoy ko baka may sugat.

wanda: lagyan mo ng band-aid. yung may mickey mouse na logo para cute.

alpha: sira ulo! eh yung pangatlo hindi ko talaga kinaya. naka-jerjer ko na yon dati. once lang. pero nung pumunta ako sa kanila, iba na talaga itsura. parang tumanda. pero 27 palang ata yon eh. parang natuyot lang na ewan.

wanda: parang sinampay lang pala, ganon? ahihihihi

alpha: tanga! ayos nga sana kung amoy downy o kahit tide detergent. pero, wanda, anlansa talaga ...

wanda: natural. bakla eh. pag bakla, malansa talaga matres non.

alpha: hindi ganong klaseng lansa. as in malansa talaga.

wanda: sigurado ka bang tao yon? baka galunggong yang na-meet mo.

alpha: ulul! pero wanda tiniis ko talaga yon.

wanda: yuck.

alpha: eh nangangati talaga ako eh, magagawa ko? pero kasi naglilipat siya ng apartment so wala na siyang mga gamit halos. kahit electric fan.

wanda: siryoso? eh di ang init non!?!?! tsaka ambaho. parang aquarium na hindi nalinisan ng 48 years.

alpha: sinabi mo pa. wag ka. ang sexy pa daw kesyo pawis na kami pareho. tapos nung nagsimula na kami, sabi ba naman sakin, ang alat daw ng pawis ko. tapos sabay tawa. ampotah! di ko lang masabi, amoy patis ka kaya, gago!

wanda: yuck! lasang tubig dagat ka pala alpha.

alpha: gago ka pala, eh pinagpawisan na nga e.

wanda: kahit na .. hehehe .. ang alat mo!

alpha: ulul! kahit yung mga matataas yung blood sugar, pag pinagpawisan maalat.

wanda: antaray niyo pareho. maalat tsaka malansa. asin tsaka patis, nagsawsawan ... nyahahahahaha!!!

alpha: (natawa na rin sa sarili niya si alpha) kaya walk-out talaga ko. sabi ko, hindi ko kaya yung init. tapos umuwi na lang ako.

wanda: ngek! kawawa naman yung isda. eh saglit! sabi mo tatlong beses? dalawa lang kaya yon.

alpha: eh pag-uwi ko, nag solo-flight na lang ako. taena, wanda, napagod lang ako. nakakapagod pala yon.

wanda: makatatlo ka ba naman sa isang gabi eh.

alpha: hindi yon ibig ko sabihin. yung puro jerjer lang.

wanda: ewan ko. nakalimutan ko na feeling e. tigang nga ko, di ba?

alpha: parang napapagod na ko sa ganon, wanda. gusto ko nang lumagay sa tahimik .. hehehe ..

wanda: gusto mo na mamatay?

alpha: tanga! may pagka-tanga ka talaga minsan no?

(pero nag knock on wood ako. may concern itu.)

wanda: hehehe eh bat hindi ka kasi mag-shota. at least yon, hindi ka na maghahanap.

alpha: naisip ko din yon shempre. gusto ko din naman yung feeling na kinikilig ako sa isang tao. eh pero kilala mo naman ako. kilala ko rin sarili ko. magsho-shota ako tapos kakatihin tapos papakamot sa iba.

wanda: eh bat di mo sa shota mo ipakamot?

alpha: eh hindi ako ganon eh. gusto ko iba-iba kumakamot sakin.

wanda: bakit?

alpha: hindi ko alam.

wanda: eh bakit nga?

alpha: wag mo kong tanungin kung bakit. kasi hindi ko din alam. basta ganon lang yon. ok na yung malibog na lang ako. wag lang ako lumabas na manloloko. kaya hindi na lang ako nagsho-shota ... kasi alam ko na ending non.

wanda: ganon pala yon?

alpha: oo, ganon yon.

wanda: eh bakit naging ganon yon?

alpha: taena mo! ewan ko sayo!

signal na yon para tigilan ko siya. kasi havs na ng siryus factor yung delivery nung huli. eh masarap asar-asarin tong si alpha, pero pag nag-siryus moment yan, siryus yan talaga.

alpha: tsk! tsk! tsk! hirap talaga maging hot ... hahahaha

hindi pala.

wanda: oo, mahirap talaga maging hot na maalat pa ... nyahahahaha!!!

alpha: taena ka nyahahahaha ...

Sunday, August 19, 2007

Pitu-Pito #7: Da Jinipiter Look

"hindi lahat ng bumabakat e bastos .."
--bilbil

nung hayskulnees si atashi-belles, madalas hipuan ang mgabadessa-mae. nung mga panahong iyonchi, kaka-buya pag nasalat yung manay mo ng juklase. tapos ipagkakalat nila. kamusta naman sa refutasyon mo, davah?? gigantic nga daw nota mo, yun ang chikka, habang ikawchiwa e super fundasyon nung oilyness sa t-zone mez. e sineklavu pa maniniwalang vehykla ka?

deadma sila sa ganda mo. mas tatatak yung kemeng "daks ka."

eh nung jinipuan nila si vivohra, nanlaki mata nila. wa silang nasalat na nota.

PALAKPAKAN!!! BABAE KA NA VIVOHRA!!! but no. itinago niya lang pala. yan yung tinatawag na jinipiter look, ang japeyks na operada, ang syensiya ng pagjijipit ng noche buena para hindi mahipu ng iba, GARDo versosa man iteklavu sa mall o yung juklase mong erbogita.

itetch e base lang sa karanasan ni atashi sa jinipeter look nung hayskul. kung havs pa ng ibang tips, i-chikka mo na lang.

7. yung 4-istep teknik

simplicity lang yung por istep teknik para sa jinipiter look.

bukaka ka, bakla

isingit sa singit

hilain sa likod
(kung kaya mong hilain pa ng over, i-try mo gawing pang i-ponytail ... CHAROZ!!!)

saka isara

ganyan lang, ateh. pero dahil wirishima-lalu naman itinadhana ang nutring sa ganung posizhen, kelangan minsan tulungan siyang pumirmi.

subukan gumamit ng plaster o kaya packing tape, depende kung wirit ka nag-iinarti mazhado tapos di umaaray basta-basta. wag masking tape pala, sirain sa konting pawis yun e. packing tape da best.

kaya lang pag najijihi ka, go na at mag-banyotic moment agad bago pa mahuli ang lahat at mag wee-wee ka ng di oras nang havs ka pa ng packing tape. pero keri lang yon. mawee-wee ka man, kusang masho-shonggal yung dikit.

e kung manhid ka na talaga, try mo i-stapler para winner. kung balat kalabaw ka, baka di umepek. try mo nailgun kung feeling fear factor ka.

yung aketchi, muntikan na sa stapler. buti na lang naipit yung bala ahihihihi ...

6. dobol trobol

"vahkit yung akin," phone in question ng lola mo, "pag inipit ko, apter 2 minits wala na siya sa ipit."

"eh kerengkeng yung nota mo e, parang kiti-kiti, ayaw pumirmi," reply ni vivohra.

sabay chikka ni inang vivohra na may teknik daw diyan. doblehin ang brippangga para wag ma-dislocate yung noches. in fairview, epektibu itu.

majinit nga lang. azz in lutung-luto ang kyolbols mo. kingky itu por sure kung kulutan ang labanan. tiis-ganda yan, ateh. hindi na umiikot yung dugo mo sa mga gala-paa mo, tiisin mo lang. basta wa ka nang umbokstra, win ka diyan.

pero yung merMAID namenchi yung nawindang nung mabukelya niya aketchi agbayani na ambilis maubos ng brippanggerz ketch.

"wala ka na namang brip?!?! kalalaba ko lang ah!?!?!" tapos nag-hoard na siya ng brip.

"asan na yung mga brip ko??" tanong ng lola mo.

"wala. basa pa!" say ng shotulong.

"eh anong isusuot ko?"

"gusto mo magsuot ng basa?"

"gusto mo mawalan ng trabaho?"

"madami ka pang brip sa hunos mo. gamitin mo yon!" nagmamaganda si yaya ising.

"kung magsalita ka para kang kung sino ha," nai-imbei na si atashi.

"oo! dahil ako ang tunay mong ina ... nyahahahaha," say nung lukaret, habang nagpa-plantsa.

echingerang mayda itu. dahil na-kungpirm ni watashi na aketchi ay junakis nga ng dakilang talakera. tsaka na-kungpirm ko din na yung linayers na tatlong bacon na brippangga e katumbas lang ng isang walang garter talaga.

5. sitting arendjment

pag naka-jipit ka, ansakit-sakit mag sit down sit down your rocking da bowt. kasi nga naman, jipit na nga yung nutrelya mez, jujupuan mo pa. tapos ira-rock-rockan mo pa, anovehnemenyen?!?! bektas, konting awa naman.

kelangan yung pag-jupestra mez e pa-pisngi pisngi lang. kaliwang pisngi muna ng wetpaks. tapos sa kanan naman. baka maborlogs ang mga pisngi kaya dapat papalit-palit. o kaya yung dulo lang ng wetpaks, tipong upong limang piso sa fx.

pa-gurl ba? slightly, pero di naman mazhadow. isipin mo na lang, kung yung nota mo naging tao, im sureness, ayaw niya rin ng mainit. ayaw niya rin ng masikip. ayaw niya rin sa putik .. nyahahahaha CHAROZ!

4. kodakan dis, kodakan dat

wichelles maiiwasan minsan, lalu pag maulan, o kahit majinit pero nasa-sight mo ung crazzness mong pinagpapawisan, kahit ikawchiwa yung pinakahaliparot na judinggabels e titigasan ka. pero gudlak pag tinigasan ka habang naka-jipiter ang nutring. aray ko!

wa muna sa tarantation moves, ateh. relaks ka lang. focus. konsentrate. pwede ka mag-statue danz hanggang sa wai na yung monumet. pag may nagtanong, chikka mo lang may iniisip ka pero ang totoo e pinipiga mo yung singit mo para malagutan ng dugo yung nutribaum para kumalma.

o kaya i-distrak mo sarili mo. pero kelangan havs ka ng preparadong imahe ng jisang nakakadiring lulurki.

yung akin noonerz e yung juklase kong mahangin na ulikba, para talaga siyang naglalakad na gabi. tapos andakekang pa niya, parang dakekang na pader na pininturahan ng jitim. tsaka wit ata siya naliligo, yung batok niya havs ng bluprint ng marikina faultline, lalu pag yumuyuko.

pag tinigasan akiz noonchi, sa-sightsung ko lang siya tapos lambut-lambutan na .. wagi! goodbye aray!!! ahihihihi .. eh kahit di ko nga siya ma-sight e. amuy pa lang. amuy mayonnaise kasi siya. ang asim talaga. yung asim na nakakahilo talaga. kung ikaw tinigasan pa don, abnoy ka na adikuts ka pang bakla ka nyahahaha!!!

3. yurinal parlor

shempers, pag naka-jipiter look ka, mahirap jumihi sa urinals. kung sinunod mo yung 4-step teknik, wirishima mo siya mailalabas ng basta-basta. kelangan dumaan ka uli sa "bukaka" tapos hugot tapos wee-wee na.

tapos pag finish na, bukaka ka uli tapos sigiripit mo yung 4-step teknik. AY! pagpag pala muna bago bukaka. oo nagpapagpag din ang nyokla. o kaya tissue, kung talagang pa-gurl ka na.

at dahil hindi naman mabilisan iteklavu, kelangan sa cubicle ka na mag wee-wee at kung anek-anek pang ritwal-ritwalan mez para lang mag-disappearing act uli yung bakat-tsina. kundi, uusisain ka nung ibang nakiki-cr.

tsaka haller naman. kung vehkla ka, bat ka naman sa urinal iihi davah?? eh kung pagbintangan ka pang namboboso nung mga tinabihan mo?

e pag hiniritan kang ganon, pagbintangan mo rin siyang "waaaaaaaaah!!! nagkukunwaring malaki nota!!! AMBISYOSA!!! eh kung mamboboso na rin lang ako eh di hahanap na ko masdaks pa sa 8210 noh??" ayan, patunay yan na wa ka ngang na-sight.

2. shontolon tok

importante din yung klase ng shontolon na isusuot mez. kasi nga naman kung nadiskartehan mo na yung umbokstra mez, e kung nyoklang hip-hopperz ka naman at yung shontolon mo e para sa sampung tao, gudlak na lang kung mapansin yung bakat-free mong pusun-pusonan.

kelangan slighly fit yung shontolon mez. o kaya sakto lang. para win naman yung eport mez. kung keri mo mag-pekpek shortz mas wagi yun. keri din yung leggings, pero kung ganon, samahan mo na ng headband, bangles tapos mag-running man ka o kaya scissors.

1. wag mawili

pero di ko mashado na-getching yung konsepto nung tiis-ganda sa jinipiter look. wit ko knows kung mali yung pagkaka-eksekyut nung por istep teknik o kasi malaki yung katawan ko kaya nagmumukha akong vahklitang amazonang swimmer na tumawid sa dagat pasipiko habang nagba-butterply istrok.

naisip-isip ko din, bat ko tinatago itetch??? akala ko siguro kasi non babaita talaga akiz. tapos wit ko knows kung anik yung gagawin sa kanya, kay nutring ko.

eh ngayon feeling ko babaita pa rin akiz. pero nahanapan ko na siya ng gamit .. ahihihihi ... anoveh! ambastos ng utak mo! pandilig kaya ng orchids yung sasabihin ko ahihihihi .. choz!!!

Wednesday, August 15, 2007

Dalawang Mukha, Isang Barya

sinong nagsabing iisa lang dapat ang maganda?

eh pano kung magkahawig naman sila?


oh davah?? pilik-mata pa lang pasok na pasok na!?! eh yung pouching lipz pa!?!? ECHOZ!

kung sila e dalawang mukha ng iisang barya, well, magkano kaya sila?

kung mukha silang pinag-biyak na bunga, pwes anong prutas kaya sila? DUHAT?? kiyembot! nakaka-mantsa talaga bwahahaha

(tenkyu-tenkyu kay jan sa pakiki-share ng nyuklatiz ni kuya kay pokwang.)

kakaloka! si kuya, nakiki-showbiz na .. nyahahahaha

Friday, August 10, 2007

Katok ng Talakitok

anoveh!?! mother's day espesyal ba itey at puro si munji ang chikka ni atashi? CHOZ lang hehehe ...

yung maderaka ni atashi kasi e kasama sa henerasyong nalukaret sa amoy ng jovan, drakkar tsaka poison na wichelles naman kabanguhan, byondaciousness lang talaga yung botelya .. hehehe .. nabuhay ata siya nung havs pa ng ka-love team si mary walters at kasagsagan ng karir ni tito pepe kahit wa pang kwarta, wa pang kahon. CHAROT LANG.

e simpleng buhay na kay ganda ang trip niteklang munji ng inyong lola. yung mayrong ngiti. mayrong saya. hoping en wishing na kasama pati si manong ariel rivera. wit bet ni mujai yung kumplikadang buhay. kerri na sa kanya yung di-uling na kalan, petromax tsaka tv na gawa sa ginupit na karton ng sapatos. eh yung tanging teknolohiya na talagang na-enjoy ni munji e yung blender-tsina namin.

ultimo nyelpons nga, may talak yan e.

munji: ano to? sira yata tong cellphone na to e!?!?! (tapos wa nang prenong tumalak tungkol sa kamahalan ng cellphone tapos napunta sa mga isnatcher ng cellphone tapos napunta sa greenhills tapos nabalik sa isnatcher na nagbebenta ng neylpon sa greenhills hanggang sa tungkol na sa kahirapan na mauuwi sa mga prediksyon ni nostradamus tungkol sa end op da world. oo, nahahanapan niya ng konek yan.)

pagkalipas ng 48 years ng pagtatalak.

wanda: mama, hindi nga sira yan.

munji: eh bakit pag nagte-text ako iba-ibang letra lumabalas? may sariling utak ata to!?!?! (tapos tumalak siya uli tungkol sa teknolohiya na napunta sa mga bagetz na nagre-rebelde sa parental guidanz nilachi tapos mauuwi uli sa mga prediksyon ni nostradamus tungkol sa anti-christ. shet! sana makilala niyo siya para malaman niyong hindi akiz nagjo-joke.)

at pagkalipas ng isang siglo.

wanda: baka sira yung keypads niyan ...

munji: hindi nga e!?! ayos yan. sinasapian lang tong lecheng to.

at pinasuri sa soco yung nyelponella.

wanda: kaya naman pala e! naka-"dictionary on" ka kaya ganon.

sabay entra si ...

bunso: mama, ano po yung "discombobulation"?

munji: tingnan mo dito (sabay abot nung cp niya kay bunso). may dictionary daw to. pa-on mo uli, in-off ni kuya mo e.

mas kakalurki to da highest talakera factor nung may i play ng teacher-teacheran ang mga junakis sa munji kung pano mag kompyuter tsaka mag-interchorbahnet.

wanda: ma, may galit ka? keyboard yan, hindi typewriter. kalma lang sa pagpindot.

at natuto lang magpipipindot ng slight e nagmaganda na'ng maderaka at naghanap agad ng makaka-chikka. at sa YM pa talaga. shala, davah!

munji: anak, hanapin mo naman diyan sa internet si tiyo peping mo, para maka-chat ko naman siya.

wanda: ano?

munji: i-type mo lang daw pangalan ni peping tapos lilitaw na siya.

wanda: bakit, inay? ang pangalan niya po ba e google, ita-type lang lilitaw na?

munji: tanga! pepito nga pangalan ng tito mo. yun yung sabi ni tiya mercy mo eh. i-type lang daw tapos yun na. e malay ko ba sa mga inter-internet na yan.

wanda: inay, hindi ito lost and found na ita-type ko lang yung pangalan niya e lilitaw na siya. walang ganon.

munji: ang re-reklamador ninyo!?!?! bakit? nung iniri ko kayo, nagreklamo ba ko?? ang gagaling niyo lang talaga, e pag ako na nag-uutos ... (wit ko na ma-remembranz kung anetchuwara yung karugtong kasi sa lola mo sounds like na lang iyonchi ng achuchuchu achuchuchu achuchuchu ...)

aba, kelan lang, may i send si mudangers ng email-churvahness. susyalera, may pa-email email pa. ang loka nag-level up na. keme pa niya mag-send daw akiz ng mga kapapelan para hanapan daw aketchi ng employer sa US op A. HALA KA! may ganong tema.

aba! vahket naman akiz gogora doonchi? waing rampage don. ang bet lang ng lola mo, kung gumora man akiz sa tate, e bakasyon. hindi mag-alsa balutan. plentious akiz ng lulurking maiiwanan. wawa naman sila. kyembot! ahihihihi

pero wirishima iyoners yung nakakalurking eksena. kasi bukod sa wa bakas ni isang talak, wag ka, may "nagmamahal, munji" pa sa ending itu. pero wirit lang yan. dahil yung trulijenik na nakakawindang e yung email ad ni mudang. handa ka na ba? eto: tarzan_babe54@XXXXX.XXX.

YEIZTERDAY! yung mudang kez e si tarzan_babe54. mashonders na yan pero nakuha pang kumerengkeng at magpaka-tarzan_babe54. pero siyempers sounds like na lang yan. eh siguro kerri-kerri na yon kesa naman sa hot_mama69 ... ay, hindi rin pala. kakakilabot na, kakaloka pa. naga-adik na ata si mama.

naalala ko tuloy yung friendship nina frida na si danica, jisang pungguk-punggukang judingerz na ka-fez ni danica sotto pero shotawan ni val "agila" sotto. numero unong chatter tong si danica na madalas nakiki-chorvah sa kompyuter ng kuya mo. anlakas pang mangarir niyan sa chevernet, kala mo.

wanda: vahkla naman, vahkit naman sexyboobies18 (sounds like na lang din)yung nick mo? wit ka naman sexy, wa ka naman boobs, at ateh, gurami ka na, kahit bente singko, hindi ka na papasa.

roxy: pag bilog ang buwan, kuya, bumabata tsaka nagiging babae talaga yan.

frida: well kung ganon, walang buwan pala ngayon.

danica: sobra ka naman. parang swan princess yata ang drama ko, ning.

frida: anetch? aswang princess?

danica: wala kang childhood, lola? palibhasa first isyu pa ng lam-ang yung nasubaybayan mo. swan princess, nena, yung nagche-change costume pag nasisinagan ng buwan, ganon!

wanda: para palang tikbalang.

frida: eh di aswang nga ... nyahahahaha!!!

at nagtawanan kami hanggang matapos sa pagcha-chat si danica. umakyat-baba na yung buwan, wa namang nabago sa kaanyuan ni bakla. ewan ko ba diyan, ambisyosang talaba.

e wish ko lang naway dumating yung panahong magtagpo si tarzan_babe54 at sexyboobies18. baka sakaling masakyan nila isa't isa. eh, baka lang naman.

Monday, August 06, 2007

Quarter Turn. Walk-out.

"... and she only reveals what she wants you to see
she hides like a child, but she's always a woman to me ..."
-- billy joel, she's always a woman


i remember yeizterday da world was so young, yang si mudraness kong yan, mula nung mai-iri niya akiz sa mundong itich, e ginawa niya nang misyon sa buhay niya yung hanapan ng butas yung pagka-lulurki ng lola mo. pagka-lulurki talaga hehehe

eh siyempers, na-vulca seal ko lahat yan. aba! aba! aba! san ka pa, davah?


nagsimula iteklavu nung ma-sightsung niya si watashi na saya-sayahan habang naglulumandi ka-join yung mga jinsaners kong gurlaloo na nagbabahay-bahayan sa jilalim ng puno ng mangga si probinsiya naming nag-eexport ng mga merMAID tsaka mayda-fatalle (katulong). sixtacles sa mga naging shotulong namin noonchi e nanggaling don: si gina na nagsasalita mag-isa, si merly na waing effort sa pag-iba ng kulay nung mga labahan, si nympha na nagmamaganda pag wai sina munji sa balur, si jocelyn na warlatik sa mga pinggan tsaka baso, si manang na tumitili tapos hinihimatay pag nakaka-sight ng dugo sa tv, tsaka yung pinaka-malandutay sa lahat na si juvilyn.

"anak, bakla ka noh?"

"hindi po, lalaki po aku," say ko, habang naghihiwa ng talbos ng makahiya, pansahog sa sinabawang gumamela sa munting balur-baluran namenchi.

"anak, bakla ka noh?"

"hindi po. bakit po?" phone in question ng lola mo.

"kasi naka-pilantik yung daliri mo pag humahawak ng tinapay e."

sagot ko, "pag lahat ng daliri ginamit ko mapipisat yung tinapay. sayang naman. hindi tayo mayaman, inay."

"anak, e may pilantik ka din pag humahawak ng kutsara."

"mudra, ganon talaga. dudulas yung kutsara e. baka magka-bisita."

"anak, ano yung mudra?"

"basta! hindi ako bakla!"

"bakla ka e ..."

"hindi nga ..."

sabay quarter turn tsaka walk-out.

eh nung binaylahan ng muk-up yung shupatembang kez, azz in yung eye shadow tsaka pang-blush on talaga, jinggit-jinggitan lola mo to da highest haliparot level.

bunso: kuya, make-uppan kita ...

wanda: (may poot) eh kung sapakin kaya kita. anong akala mo sakin? bakla?

bunso: (parang nalugi) sige, si ate na nga lang.

wanda: diyan ka lang. ako magme-make up sayo.

enter ang dragona.

"anak, anong kabaklaan itu?"

quarter turn. walk-out. may kasamang pagdadabog na itu.

"anak, bakla ka noh?"

"tantanan mo na ko, inay ..."

"sumasagut-sagot ka na ha! sinturunin kaya kita."

"bente-uno na kaya ko, inay. mas malaki na nga ako sayo e."

"bakla ka e. may mga picture ka ng lalaki sa wallet mo!!!"

"barkada ko lang yon? eh bat ka ba nangingialam ng gamit?!?"

quarter turn. dramatic exit papuntang kwarto para hagilapin yung lecheng wallet na yan pati yung mga mapanirang picturraka!!! at nadiscovery channel ni atashi yung mga larawang ikinaloka ni munji: 3x5 fityur ni dao ming su tsaka ni hua ze lei tsaka kalendaryong dyutay wit da fez ni da piolorific. PLANGUSH!!! nyorkada pala ha.

"anak, bakla ka noh?"

bet ko na talagang sumagot ng isang uamaalingawngaw na PLANGAK. pero wit. baka si munji biglang ma-hart attack.

"anak, eh bakit kunsinu-sinong tumatawag ditong lalaki? kahit gabing-gabi???"

"anak, bakit wala ka pang gel-pren???"

"anak, nag-aadik ka ba???"

"anak, magkaka-apo kaya kami sayo???"

kung knows mo yung talak powers ni munji, maiintindihan mong kaka-imbei na talaga itiz. lalu na kung yung fone-in questionz e tuwing magkakasalubong kami. imajinin mo na lang, sinlaki lang ng balur ng kalapati yung balur namin. may puting flag din, para hindi kami maligaw ahihihihi choz!

"anak, nanlalaki ka noh???"

eto, nag-jinit talaga tenga ni watashi. nung umeksena yung tanong na iteklavu, nagkakalabuan na kami nung jowa ko non. na-discovery ko pa na havs siya ng kinakalantaray. tapos tatanungin ka pa ng mudra mez tsaka pagbibintangan na nanlalalaki ka, eh samantalang ginagago ka na nga ng jowa mo.

eh bet ko non sabihin na talaga kay maderaka. baka kasi maintindihan niya akiz. baka maawa. baka manahimik na siya tapos baka ma-giblaban akiz ng words of advice. o kaya ma-embrace man lang sabay chikka na, "hayaan mo na yan, anak. madami pa diyan e."

na-remembranz tuloy ng lola mo yung monument na pina-showag nung hayskul yung mga parental guidanz ng mga vehkla. wa kaalam-alam si munji na ganon yung eksena. kala niya awarding ng best in math (asa pa!). kaya may gulat factor itu.

may i cry si munji nung sinabi na yung kabaklaan daw e reinforced tsaka encouraged na behavior. madalas ng mga mudra o pudra o kahit sineklavung nakapaligid sa kanya.

kaya ayun, naging madrama na yung eksena sa vehykla convention.

say ni mudang, "partly guilty ako, kasi nung bata pa yan, binibilhan ko ng lutu-lutuan, inaayusan ko ng buhok, binibihisan ng pambabae. bata pa siya non e. hindi ko alam na may bahagi na pala ng pagkatao niya na hindi ko kilala ... huhuhu ... binilhan ko pa nga yan ng barbie na lalaki e."

yung ibang vehykla, super himas sa balikat tsaka pisil sa hita tsaka hagod sa likod ni atashi, na may bulong pang kasama, "swerti mo naman, bakla ..."

si munji, kuma-cryola pa din, sina-sight lang nung ibang mga parental guidanz.

hindi akiz makapag-quarter turns sabay exit non. kasi naawa akiz tsaka najijiritate na sinisisi ni munji yung sarili niya sa isang bagay na wai naman kaming kontrol pareho. imyernadette cembrno pa akiz kay mudang non, e wit ko kasi najisip na mahirap din pala iteiwang pinagdadaanan niya.

"anak, bakla ka noh?"

wirit ko nire-replyan yung tanong ni munji, azz in todo iwas tactic itu, kasi bali-baliktarin man yung mundo, vehykla pa rin ako, at wichelles niya mabe-bettan kung anek man yung isasagot ko.

tsaka pag wit akiz sumagot, hindi lang yon dahil sa natatakot ako. siguro gusto ko lang sana andon pa din yung ilusyon na yung unico niya e iho talaga.

KWENTUHANG PARLOR sa TV

sa mga illiterata sa salitang vahklush at dun sa mga bet matuto at dun sa mga litung-lito sa pagkatao nila, alamin kung paano nga ba yung ebolusyon ng "baklese" o swardspeak? at maki-gulo sa mga chuchualavou at chuchu-caracas sa kakalokang mundo ng mga bektas!

nakow, mawi-witness niyo yan ngayong Lunes, Agosto 6, 2007, sa I-Witness sa GMA.

pagkatapos ng palabas, abangan ang tawag namin sa inyong bahay: "you'll be gay in seven days ..."

KIYEMBOT!



maisasama na nga kaya sila sa dictionaryo nina manay miriam at webster o gagawan sila ng bago, lingguhang edisyon? hehehe sabay sabay tayong manood mamaya, mga ateh!!!

dahil si kuya, na-edit out!!! hahahaha CHAROT LANG!!!

Friday, August 03, 2007

Hula Hula Hula-hoop

havs dati ng gurlilet in da neighborhood na weirdong weirdo talaga kami, pero pag havs ng patintero olympics samin e pinag-aagawan yung bilat kasi magaling siyang patotot tsaka around da world.

sonya namesung niya. adik siya kasi may drama-rama sa tanghali yan na havs daw siya ng kakyombal pero pero pero wichelles silachi pwedeng maglamyerda ng sabay. yung isa naka-pusod yung jisaers naka-lugay. parang si ning-ning tsaka si ging-ging, ganon. e ang tututs don, siya lang naman din yon. adik davah?

tapos bigla siyang nag-disappearing act. sabi ni aling mildred nagdadalaga lang daw kasi. nung mag i shall return si sonya, nakaka-sight na siya ng mga shoktay ala sixth sense tsaka, wag ka, kachukaran na niya si madam bola. ba-bebi-bobu bolang bilog, wag patulog-tulog ... ahihihihi namiss ko tuloy si madam bola tsaka si irma daldal. direeeeeeeeeeeeeeeek!!!

eh hinulaan niya kami non. sina marcus tsaka ricky tsaka ngongo tsaka yung mga gurlilets na shopetbahay. tapos ako. huli akiz. bokot akiz na baka ma-discovery channel ng mga pipolets in da neighborhoods na badidang aketchi agbayani, pati na yung secret love ni atashi kay marcus cheverlyn. may ganon talaga?!?!

na-remember me this way ko tuloy yung propesora ko sa philo na may i chikka na yung panghuhula daw e talent sa pagbabasa ng galaw ng tao tsaka literal na panghuhula. tapos sa isang ritwal na ginamitan ng pinaghalu-halong gin tsaka yelo tsaka powdered pomelo e binuksan niya yung third eye ni atashi sa panggu-goodtaym.

nung jumosok akeiwa sa ibang sabjek, pinagpraktisan kez yung nyoklase ni atashi. wa pa yung teacherakka namenchi nooners, e isa't kalakahating oras yung klase kaya apter 30 minits pa bago kami pwede maglabas ng yellow pad tsaka mag-attendanz.

si nyoklase e nerditang badidang na bs bio yung kurso. yung frenship naman niyang gurlash e bs math. wit ko sila knowings sa personal. kasi mga alien sila.

e super latag aketchiwa nung barahang nadekwat ni pudra sa mga biyahe niya dati sa saudi. say ko kay badidang balasahin niya ng tatlong beses yung baraha, i-cut ng tatlong beses tapos katukin niya ng tatlong beses. kurekto! isang malaking check itu! kelangan havs ng dramang ganon. wa namang pag-rereklamo si bakla e.

sabi ko, "may crush ka ... (kunwari havs ka ng mga vizhons. iwasang gayahin ang accent ni madam rosa, kasi kakairita yon) ... may crush ka sa isa sa mga klase mo ... cute tong kaklase mo e ... lagi ka nadi-distrak sa kanya ... lagi mo siya tinitignan."

ngiting aso na si bs bio. si bs math naman gigil na gigil sa braso ni bs bio. shet! naka-tsamba ata akiz. pero haller naman, lahat naman ata kasi ng girl, boy, vehktas tsaka tivoli bars e havs ng crazzness sa klasrum noh?

say ko pa, "tapos minsan nahuhuli mo siya nakatingin din sayo ..." eto hula talaga to. gudlak na lang, davah!?!

"SHET!" isplukara ni bs math, na kala mo nagwa-water water sa tuwa para sa frenship niya. "ba't hindi mo sakin kinukwento yon ha???"

kung si bs bio e biniyayaan ng kaputian e malamang namumula na siya non. but no! isa siyang magenta.

dagdag ko pa, "pag gabi, minsan (importante yung "minsan" para may lusot ka, kasi hindi "palagi.") bago ka matulog sa gabi, naiisip mo siya. minsan nakakatulog ka na lang sa kakaisip sa kanya ..."

say ni bs math, "hoy, bs bio, kala ko ba over ka na sa kanya ..."

sagot ni bs bio, "kala ko din e."

say nung pilosopo kong trainor, "makinig ka sa sinasabi nila tsaka sa hindi nila sinasabi. mahalaga yon. pati yung galaw nila. wala na bang gin pomelo? bili pa tayo."

say ko kay bs bio, "iniisip mo kung napapansin ka din ba niya, tama?"

sagot ni bs bio, "kinakilabutan ako sayo ..."

CHAROT! kung alam mo lang ...

pero yung inisplukara ko talaga e, "oo, napapansin ka naman niya, in fairnezz. medyo impressed nga siya sayo e." san nanggaling yon?

say ni bs math, "talaga? eh hindi ka nga nagsasalita sa klase natin e."

shet! shet! shet! ikakabagsak ko to. pero bumawi ako, "di ko ka-sure. eh yun lang yung nakita ko e." may kasamang pagtataray itu. para kunwari pwede nila akiz kwestiyunin pero wit yung mga baraha. nagsasabi ng totoo yung mga baraha, ECHOZ!

sabay chumikka si bs bio, "di ba, naalala mo yung may binigay na problem si miss tapos walang makasagot. kahit yung mga bs math. tapos ako lang nakasagot. eh pumalakpak kaya siya non ... naalala mo?"

"ay, oo nga pala," reply ni bs math. "todo clap siya non. grabe, ang galing mo klasmeyt. ano nga pangalan mo?"

deadma. tapos ... "palagay mo ba may pag-asa ako sa kanya?" phone in question nung nerditang bekbek.

siyempre, wit ko naman bet gibsungan ng malaking akala tong si bs bio at baka biglang mag-propose sa i crazz you niya. kaya bumunot aketchi ng baraha, lumabas e diamonds, at sinabi ko, "wag ka mag-alala, yayaman ka. CONGRATULATIONS!!!" joke.

yung chikka ko talaga e, at may halong ka-dramahan to na ka-level ni jaclyn jose, "alam mo na yung sagot sa tanong na yan." at least, wirit akiz yung sumagot. siya. nagpaka-deep lang lola mo. KEMBOT!!!

eh mukhang nalungkot, nakonsensya naman aketch. kaya bumunot akiz nang bumunot ng baraha hanggang sa maka-tiyempo ng king op harts. sabay, "OH MHAAAY GAWD ..." todo pang-famas na akting na to.

"ano yon? ano daw? ano sabi?" duet ni bs math tsaka ni bs bio.

sabi ko, "may lalaki, isa pang lalaki, pwedeng kaklase o hawsmeyt o orgmeyt o fratmeyt, may frat ka ba? basta lalaki na hindi mo mashado napapansin, pero asa paligid-ligid mo lang (parang linga sa bahay-kubo) ... may HD siya sayo e. hindi lang niya masabi kasi nahihiya siya."

kinilig ampotah yung duwa. fdineadma talaga akiz. tapos nagbulungan kesyo baka yung juklase daw naming isa yon. kasi madalas daw mahuli ni bs math na suma-sight sight kay bs bio yung lulurki. e tapos para silang nagkukurutan ng singit. kinikilig talaga. kalurki!

eh nadama kong magpapahula din si bs math kaya sabi ko, "tara, attendanz na tayo. baka abutan pa tayo ni mam."

sagot ni bs math e next week na lang daw. sabi ko itaon niya ng biyernez kasi malakas powers ko non. may keme-kemeng patatas na ganon.

say kasi nung pilosopo habang nagpapakalango sa gin-pom e tayo daw mahilig tayo magkwento tungkol sa sarili natin. kundi naman, feel na feel daw natin makinig sa mga sinasabi ng iba tungkol satin, totoo man yon o hindi, kung sa past man yon o present o sa malayong future. bet na bet daw kasi natin nakikita yung buhay natin sa mata ng iba.

eh wirishima ko naman knowings iyonchi nung magpahula akiz kay sonya. sabi lang sakin nitong bilat na to habang gumagawa ng helera ng mga baraha na nung una kala ko lang e pusoy, "may crush ka .. gusto mo lagi kayong magkasama .. gusto mo lagi mo siyang nakikita .. kinikilig ka pag kasama mo siya .."

taena, kabadong kabado kaya akiz noonchiwa. ending ko na. bukelya na akiz ng madla. bukelya na akiz ni marcus na lurve na lurve ko siya hahahaha at dahil orkot-orkotan nga lola mez, yung mga friendship yung nagtatanong.

"may pag-asa ba si (wanda) diyan sa crush niya, sonya?" tanong ni ricky.

"oo nga," sabat ni ngongo, na hobby talagang sumasabat. "may mag-ngasa ma nya? ngingingawan natin angad yan!"

"ano sabi mo?"
may grasa daw ata? charoz ahihihihi

"asus! susulutin mo lang e" kantiyaw ni marcus kay ngongo.

"hinyi kaya ango nangunguwot! unguy!" wag ka mag-alala. wichelles ko din naintindihan.

di ko lang makulit si sonya non. HOY, ano daw? may pag-asa daw ba ako kay marcus? ha? ha? HAAAAAA?

may i dukot ng baraha si sonya, hart itu. swerti! "wala e ... wala siyang pag-asa ..." ay, ganon!?!

gusto ko sanang mag-iskandalo tsaka manabunot ng tao. peke yan! wit yan trulili! japeyks ka! istapadorang hitad to, nanghuhula! e nagamit na sa tong-its yang baraha mo!

pero tumabi lang si marcus, kay atashi, OO SI MARCUS NGA, may paakbay-akbay pa itu, di na lang tinuloy sa embrace, sabay ispluka, "o pano ba yan? wala ka daw pag-asa ... tsk tsk tsk ..."

bet ko siyang kurutin sa pisngi habang sinasabi, "kainis ka, isa ka pa ..." na may kasabay na pagpapa-tweetums gaya nung sa mga jolikula nina romnick tsaka jennifer sevilla.

pero naniniwala pa din akeiwang peke yung hula ni sonya bwahahahaha AMBISYOSA TALAGA AMPOTAH!

Thursday, August 02, 2007

Da Bodyguard

dati nung college akeiwa, may i rampage kami sa hallway pagka-shopos ng klase para maka-subarachi bago yung susunod na klase. ka-join ni atashi sina hannah tsaka jisang vehyklang vorta (malaki katawan) na kala mo e kargaroo (kargador) sa pier. yung tipong pag may kelangang buhatin sa klase, gaya ng mga upuan tsaka lamesa, pag halimbawa na-trippan nung teacherraka na baguhin ang feng shui nung klasrum para tuluy-tuloy yung pagjosok ng swerti, e si vahyklang vorta yung unang tinitignan.

kundi nagpapatay-malisya si bakla e nagtutulug-tulugan yan.
e kaso ginigising ko. "tawag ka daw ni teacher ahihihihi ..."

wit ko lang ka-sure kung si vahklang vorta e closetta. kasi minsan, pag naglulumandi ang pipit sa kaparangan at ang mga kalachuchi e sumasara at bumubuka, si bakla nagaa-boomtiyaya boomtiyaya boom-yeyeh with matching pouching lips kyeme. kurek, pouching itu.

e ganda-gandahan kasi ang epek nitong si hannah. kaya yung fresh na frezman na bagets na super shombay sa hallway, waiting por tonayt sa propesora nila, e may i sipol sabay hirit ng, "hi, miss. baka pwede makipagkilala?" may pakagat-kagat ng labi pa.

kinilig si atashi, kahit slight jologito yung bagetsung. kala ko akeiwa yung shinoshowag na miss e. di pala.

e kala rin ng lola mez deadma lang. e biglang nag-disappearing act si vahklang vorta.
"anong problema mo?" say ng vorta dun sa fresh na frezman. naninindak ang bektas, palibhasa graduating ampotah. pero hindi yung tipong cherie gil na paninindak. hindi sylvia sanchez na paninindak. hindi bella flores, hindi amalia fuentes, hindi anabelle rama'ng paninindak. hindi talaga, dong. hindi ganon, dong.

hindi rin yung tipong sindak na pumatay kay barbara.


yung tipong sindak na bomber moran tsaka paquito diaz tsaka max alvarado na may bahid ng slight tonette macho.

"taena, nakakabastos ka ha. kabago-bago mo rito, aangas-angas ka. bigyan kaya kita ng isa. makita mo."

wit ko knows kung ano yung "isa" na ibibigay ni vorta. pero kakalokah. may pagtatanggol.

pero komosyon yun talaga. pati yung manang na nagse-xerox sa dulo e naki-usyoso na, kahit linalapang na nung makina niya yung mga kokomban.

chikka pa ni vahklang vorta, "sa susunod mamimili ka ..."

"sori po ... sori po ..." iyonchi lang yung nasabi nung bagetz.

walkout si vahklang vorta, na muntik na atang maging endorser ng eumorpho lakas tao. humabol siya samin nung pechay naming frenship. KABOG! warfreak na bektas itu. nag-aamuk ampotah.

say ni hannah, "kaya gustung-gusto ko kayong kasama e. i feel so protected ahihihihi"

sabi ko, "protected mo mukha mo. napapaaway nga tayo ng di-oras dahil sayo e."

sagot ni hannah, "e kasalanan ko bang maging maganda?"

say ng lola mo, "madaling solusyunan yan. mura lang ang asido, bet mo? sakin, ok lang. wa naman akong gagawin mamaya."

sagot ni vahklang vorta, may panginginig pa, "mga bakla, bilisan niyo maglakad. baka resbakan ako bigla. sumusunod? wanda, sumusunod ba? tignan mo nga."

tawa kami nang tawa ni hannah. kasi pagkashopos ng kalahating kaha ng marlboro na pula, nanginginig pa din si bakla.

"bakla, ganon pala yon. nakaka-kaba. try mo minsan," chikka ni baklang vorta.

"ayoko nga," say ni atashi. "mabagal ako tumakbo noh?? mas kerri ko pang sumigaw ng SAKLOLO!!! hahaha"

"eh ipagtatanggol din naman kita e," sagot ni vorta, sabay: "kala mo, ako kaya si darna hehehe .. ECHOZ!"

"oo naman noh? ikaw si darna," hirit ng lola mo, "kung yung bato napunta kay lito lapid o kaya kay baldo maro."

hahaha nagtawanan na lang kami hanggang sa hindi na nakapasok ng klase.