Sayang, Wala nang Fanta

in your most frail gestures are things which enclose
of which i cannot touch, because they're too near
-- e. e. cummings, somewhere i have never travelled

havs ng question. bakit daw akiz ma-shogal nag disapir.

simple lang yan. hindi ko kinaya magsulat. chikka ko lang ng slight ...

))<>((

naka-shombay akiz sa tapat ng tindahan ni aling mildred utangera. katatapos lang namin mananghalian kaya super subahrachi ang lola mo. 2 stick. winston lights.

biglang havs ng pumarada sa kariret. magara. malinis. at ang bango ng air freshener. amoy na amoy talaga. yung tipong bawal jumakay ang ma-kyoho.

bumaba ang pinaka-mamahal kong otokiz. si piolo. AY MALI. yung susunod pala sa pinaka. si marcus.

para akong nagutom uli. 6 na extra rice nga, aling mildred.

katatapos lang din pala niyang mananghalian.

"kanina pa ako nag-iikot. wala na mashadong nagbebenta ng sarsi, ano?" sabi niya, sabay higop ng sarsi. "paborito ko to e"

"tsaka fanta, di ba? wala na rin ata non ngayon ..." isplukara ni atashi.

"ay oo pala, ano?!" na-excite ang gwapo. "ang dami dating meron na wala na ngayon. sayang."

"sayang talaga ..."

natahimik kami pareho. naglalaway sa fanta. ako gusto ko non rootbeer, apple kay marcus. paborito niya yon. naka-bike kami pag hapon, nag-iikot kung saan-saan, kasi bihira yung nagtitinga ng fanta apple noon.

at pinaka-susumpa kong eksena. enter roxina. bumayla siya ng shampoo. pero mapang-asar ang tingin kay atashi.

roxy: ay!! hapi pepe ang kuya. anditrax pala ang bufra mae ni bakla. mag-pundasyon ka muna doonchi, oilyness ang fezlak mez.

wanda: potah ka ...

sabay exit si bakla. tumatawa.

"oh, mag powder ka daw muna."

nanlaki ang mga sadyang malalaki kong mga mata.

"marami kasing barkada si alicia na mga bakla. tinuturuan nila ako." nanuyo bigla lalamunan ko. "kasi sa itsura ko raw na to, malamang pag uusapan ako ng mga jokla."

feeling gwapo tong gwapo na to. pa-kiss nga ahahaha ilusyunada!

"parang bisaya yan e. marunong akong umintindi, pero hindi ako marunong magsalita." dagdag niya. "wiz talaga."

natawa kami pareho.

"kamusta na pala yung kasal niyo. iimbitado ba kami diyan?"

"bad trip nga. kasi instead na dito, gusto ni alicia na sa bohol yung wedding. kung saan ikinasal yung parents siya. arte. ang daming demands. e one day affair lang naman yon."

oo nga. lecheng babae yan. hiwalayan mo na.

"ganon talaga. nung mga panahong bagetz pa tayo, at bisi-bisihan sa paghahanap ng porn ng mga erpat natin, sila ... pina-plano na nila yung kasal nila. mula damit hanggang menu."

"sabi nga nila."

"kaya hayaan mo lang. malaking bagay sa kanya yon e. kahit magkahiwalay kayo, kahit lagi kayong nag-aaway ... babalik-balikan niya yung araw na ikinasal kayo. dahil yun yung peak ng happiness niya na kasama ka niya."

"hiwalayan talaga na-isip mo ..." napa-katok sa kahoy ang gwapo. sori, hindi ko napigilan. tao lang, na-iimyerna.

"so mamamasahe pa pala kami." sagot ko.

"pasensiya na ... uy! magse-set pala si ricky ng stag party. tatampo ako pag di ka pumunta."

"nyeh! si ricky? baka maging prayer meeting yon ... mapa-Alayb Alayb tayo."

tawa siya konti. ok lang, baduy naman talaga yung pa-kyut na joke.

"hindi naman siguro." silence uli. tapos napansin niyang "wala nang mga naglalarong bata dito, 'no? di tulad nung panahon natin. halos hindi na tayo umuuwi."

"iba na ngayon e. di na uso patintero."

"ang tanda na natin ..."

"pero noon, ikaw talaga yung naisip nating unang ikakasal, di ba? pang-ilan nga ba ako non? pang-huli."

"gago hindi. second to the last ka. huli si ngo-ngo." natawa siya sa sarili niyang panglalait. "will yoo nake nis wooomang to me your wayp?"

sabay kaming sumagot. "i nyu!" tawa kami nang kami.

sunod na lumabas si frida.

frida: kaya naman pala ang tagal jomosok. nilalanggam na yung hugasan.

tapos pumasok uli, humahalkhak na pang-asar. umeksena lang talaga si bakla.

"kaya ka ba naging bakla dahil ... er ... don sa ..."

"hindi. bakla na ako before pa non."

"ah ... kala ko ..." sabi niya. "pero naging crush mo ko?"

bakit ko ba siya hinahayaang pag salitaan ng ganon. BHAAAAKEEEEET!!!!

pag sumagot ako ng "oo" o "hindi," parang ang baduy. showbiz mashado. kaya ngumisi lang ako, kahit naiilang. mas meaningpul ang saylenz. mas may impak.

"crush niya ako ..."

hindi ako naging prepared sa mga sumunod na nangyari. swear! trulijanz itez.

"gusto mo ulitin natin?"

"ang alin?" pa-demure si atashi.

sumulyap siya kay aling mildred na hindi matinag sa panonood ng wowoweee. "ulitin natin ... yon ... siguro mas magaling ka na ngayon kesa dati ..." at ngumisi siya. as in, yung ngising kinabog si sam milby at lahat ng naging modelo ng close-up. at wala siyang katinga-tinga.

nalunok ko ata yung usok ng yosi.

as in havs ng moment of silence. may shock value ever. napatingin lang ako sa kanya. hindi ko alam yung isasagot ko. parang hindi na effective ang "meaningpul saylenz" ditech.

"taena, siryoso si kupal." sabi niya bigla, prang nagulat rin siya sa reaksyon ko. "taena mo, ginagago lang kita. siniryoso mo?"

WAG PO! WAG PO! WAG MONG BAWIIN! YES! YES ANG SAGOT KO!!!

naubos niya na yung sarsi. ako, napasindi ng isa pang stick.

"una na ko. magkikita pa kami ni alicia e."

hindi ako naka-imik. may tira-tira pa nung gulat. parang saka pa lang nag sink-in sakin kung ano yung nangyari.

pina-andar niya na yung makina. tapos umatras siya ng konti at binuksan yung bintana.

"HOY!" sigaw niya. "sori ha! na-realize ko lang na hindi pala magandang joke yung ginawa ko. alis na yung gwapo"

tapos ngumiti. tapos nag maneobra. tapos bumusina ng tatlo -- i love you. dalawa lang pala. tapos umalis na siya.

))<>((

alam niyo, magkagalit man siguro kami ni marcus. o dahil sa takbo ng kanya-kanya naming buhay e magkalimutan kami at yung naging epekto namin sa buhay ng isa't isa, hindi ko man maranasang ikasal sa kanya ... eto siguro yung araw na babalik-balikan ko ...